ရက္ခိတလမ်းစဉ် (သို့မဟုတ်) နိုင်ငံတော်တည်ဆောက်ခြင်း
ရက္ခိုင့်တပ်တော်(AA)ရဲ့ (၁၂)နှစ်မြောက်မွေးနေ့ တစ်နည်းအားဖြင့် ရက္ခိုင့်တပ်တော် ဖွဲ့စည်းထူထောင်သည့် (၁၂)ပြည့်နေ့မှာ တပ်တော်ရဲ့ တပ်မှူးချုပ်မိန့်ခွန်းသဝဏ်လွှာကို ရခိုင်လူမျိုးများအပြင် တစ်ခြားတိုင်းရင်းသား လူမျိုးခေါင်းဆောင်များကပါ စိတ်ဝင်တစားစောင့်ကြည့်ခဲ့ကြတာကို တွေ့ရပါတယ်။ စောင့်ကြည့်သူအများစုဟာ လက်ရှိမြန်မာနိုင်ငံအတွင်းဖြစ်ပွားနေတဲ့ စစ်တပ်မှအာဏာသိမ်းယူထားမှုကို မြန်မာလူထုတုန့်ပြန်မှု ပဋိပက္ခအပေါ် ရက္ခိုင့်တပ်တော်ရဲ့သဘောထားကို ပိုမိုစိတ်ဝင်တစား စောင့်ကြည့် နေခဲ့ကြတာဖြစ်ပါတယ်။ ရက္ခိုင့်တပ်တော်(AA)ဟာ (၂၀၁၉-၂၀၂၀)အတွင်း မြန်မာစစ်တပ်နဲ့ တိုက်ပွဲပေါင်းလေးထောင်ကျော်ကို တိုက်ခိုက်ခဲ့ကြပြီး ၂ နှစ်အတွင်း ရခိုင်တစ်ပြည်နယ်လုံးမှာ အခိုင်အမာအခြေကုတ်တည်ဆောက်ထားနိုင်ခဲ့ ပါတယ်။ ယေဘုယျအားဖြင့် တွက်ချက်ပါက ဒီနှစ်နှစ်အတွင်း ရက္ခိုင်တပ်တော်(AA)နဲ့ မြန်မာစစ်တပ်တို့ဟာ တစ်ရက်ကို တိုက်ပွဲလေးခုကနေ ငါးခုဝန်းကျင်အထိ အပြင်းအထန်တိုက်ခိုက်နိုင်ခဲ့ကြတာကို တွေ့ရ ပါတယ်။ မြန်မာစစ်တပ်ရဲ့ ကြည်း၊ ရေ၊ လေတပ်များ ဝိုင်းဝန်းထိုးစစ်ဆင်တိုက်ခိုက်မှုကို လက်တုန့်ပြန် တိုက်ခိုက်ခဲ့တဲ့အပြင် မြန်မာစစ်တပ်ကို မြေပြင်တိုက်ပွဲအားလုံးန